FM-EGYPT
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
FM-EGYPT

المنتدى الجديد لعشاق لعبة فوتبول مانيجر العرب
www.fm-egypt.com
 
الرئيسيةأحدث الصوراخر المشاركاتالتسجيلدخول

 

 ازاى اعمل التدريبات؟

اذهب الى الأسفل 
2 مشترك
كاتب الموضوعرسالة
عمرو فكرى
Hernan Crespo
Hernan Crespo
عمرو فكرى


ذكر عدد الرسائل : 1021
العمر : 37
جنسيتى : Egyptian
النادى اللى بشجعه : بطلت اشجع كورة !
الكارير الحالى : FM2012: Parma 2012
تاريخ التسجيل : 09/04/2008

ازاى اعمل التدريبات؟ Empty
مُساهمةموضوع: ازاى اعمل التدريبات؟   ازاى اعمل التدريبات؟ Emptyالإثنين 25 أغسطس 2008, 11:29 am

ازاى تظبط التمرين بتاع الفريق وازاى تحدد كل لاعب يتمرن على ايه بالظبط؟

الموضوع بسيط

الاول هاتنزل تدريب عمرو فكرى وتحطه فى مكانه فى My Documents\Sports Interactive\Football Manager 2008\schedules

بعد كدة تفتح اللعبة وتخش على صفحة التدريبات بتاعة الفريق بتاعك .. من هنا :

ازاى اعمل التدريبات؟ 001



زى ماحنا شايفين صفحة التدريبات بتنقسم لجزئين .. نص فوق ونص تحت
النص اللى تحت هاتلاقى فيه اسماء اللاعبين اللى انت هاتمرنهم
النص اللى فوق بقى هاتلاقى فيه اسماء الحصص التدريبية اللى عندك
وفى الصورة اللى فاتت كان موجود حصتين . واحدة للفريق كله وواحدة لحراس المرمى بس

نبدا نركب لتمرينات اللى احنا نزلناها من شوية كالاتى :

ازاى اعمل التدريبات؟ 002

هاندوس على Schedules ثم Edit Schedules زى ما فى الصورة


هاتظهرلنا الصورة دى :

ازاى اعمل التدريبات؟ 003

هاندوس على Import

هاتظهرلنا الشاشة دى :
ازاى اعمل التدريبات؟ 004

ومن الشاشة دى بتختار التمرين اللى انت عاوز تحطه
احنا عندنا 8 تمارين مختلفة فهانعمل الاتى :
هانختار GK زى ماهو موجود فى الصورة .. وبعدين ندوس Select .. او ندوس دابل كليك على اسم التدريب مباشرة اللى هو GK


هاتظهرلنا الشاشة دى :

ازاى اعمل التدريبات؟ 005

وكدة التمرين اللى احنا اخترناه نزل خلاص ومتعلم عليه بالازرق زى مافى الصورة .. هانعمل اللى عملناه دلوقتى تانى عشان التمرين اللى بعده
هاندوس على Import
هاتظهرلنا الشاشة دى
ازاى اعمل التدريبات؟ 006

هانختار التمرين اللى بعد GK وهو DEF

طبعا اللى يختار مالوش دعوة دلوقتى بالتمرينات اللى جنبها كلمة (YOUTH) عشان التمرينات دى خاصة بالناشئين ومش هاتشتغل مع الفريق الاول
بعد ما نختار DEF هاتظهرلنا الشاشة دى

ازاى اعمل التدريبات؟ 007

زى ماحنا شايفين ان تمرين DEF هو كمان نزل زى تمرين GK

هانكمل زى ماحنا شغالين لحد ما نخلص التمارين ال8 كلهم
هاتبقى الشاشة بالشكل ده :

ازاى اعمل التدريبات؟ 008

هادوس OK
هايودينى لصفحة تدريبات الفريق زى الاول .. بس هانلاقى تغيير وهو ان التدريبات اللى احا اخترناها نزلت اهى

ازاى اعمل التدريبات؟ 009


احنا كدة نزلنا التدريبات لكن لسة اللاعبين مش هاتمرنوا عليهم
ازاى بقى اخلى اللاعبين يتمرنوا التدريبات دى؟


هانزل تحت فى النص اللى تحت اللى فيه اسماء اللاعبين .. وهاختار لاعب لاعب واظبط التمرين بتاعه

نبدا باول لاعب فوق .. ده مركزه مدافع يبقى اخليه يتمرن التمرينات بتاعة المدافعين

ازاى اعمل التدريبات؟ 010

زى ما فى الصورة .. هادوس على كلمة General اللى جنب اسم اللاعب هاتطلعلى قايمة فيها اسماء التدريبات المختلفة فهاختار DEF لان ده لاعب مدافع
لو كان باك رايت او باك لفت كنت هاختار Full Back مثلا

بعد ما اختار DEF للاعب ده هالاقى كلمة General اللى جنب اسمه اتحولت بقت DEF بالشكل التالى :

ازاى اعمل التدريبات؟ 011

وهكذا هاكمل باقى اللاعبين لحد ما اخلصهم كلهم زى ما فى المربع اللى تخت

وعشان تاكد انى خلصت كل اللاعبين بص فوق مكان المربع الازرق اللى فوق هاتلاقى ان تمرين General فيه 0 لاعب .. يعنى مفيش لاعبين بيتمرنوا التدريب ده لانى خلاص وزعتهم كل واحد على التمرين بتاعه .. زى ما فى الشكل

ازاى اعمل التدريبات؟ 012


بعد ما خلصت General زى ما فى الصورة هانزل على التدريب التانى وهو Goalkeepers وزى ماحنا شايفين ان جنبه رقم 6 يعنى فى 6 لاعبين بيتمرنوا التمرين ده .. طبعا الرقم ده بيختلف من نادى للتانى على حسب النادى اللى انت بتمرنه
هانزل تحت زى ما قلت ل Goalkeepers هايجيبلى تحت اسماء اللاعبين اللى بيتمرنوا التمرين ده
بدل ما اختار لاعب لاعب فانا هاخلهم كلهم يتمرنوا مرة واحدة التمرين بتاع GK بانى ادوس على Assign All .. تحت على اليمين واختار تدريب GK فهالاقى كل الحراس راحوا تمرين GK
زى ما فى الصورة
ازاى اعمل التدريبات؟ 013

وبعد ما اعمل كدة هالاقى ان خلاص مابقاش فى لاعبين بيتمرنوا لفى التمرينتين العامتين اللى الكارير بتاعى بادئ بيهم وهما General و Goalkeepers وان كل اللابعين اتوزعوا على التدريبات الخاصة بتاعتهم

ازاى اعمل التدريبات؟ 014



كدة احنا وزعنا اللاعبين على التمرينات بتاعتنا
لسة بقى نوزع المدربين كمان عشان نخلى كل مدرب يمرن حاجة معينة
من على الشمال هانختار Coaches
ازاى اعمل التدريبات؟ 015


ولو انت جديد لسة مش مستوعب اوى التمرينات بتبقى ازاى .. وفر على نفسك وخلى اللعبة هى اللى توزع المدربين اوتوماتيك بإنك تدوس على Auto Assign All
ازاى اعمل التدريبات؟ 016



بس . كدة احنا عملنا تدريبات ووزعنا اللاعبين عليها ووزعنا المدربين smiling


عدل سابقا من قبل عمرو فكرى في الإثنين 25 أغسطس 2008, 12:12 pm عدل 1 مرات
الرجوع الى أعلى الصفحة اذهب الى الأسفل
http://www.fekrynews.blogspot.com/
Munkee
Baby Manager
Baby Manager
Munkee


عدد الرسائل : 4
تاريخ التسجيل : 26/10/2011

ازاى اعمل التدريبات؟ Empty
مُساهمةموضوع: رد: ازاى اعمل التدريبات؟   ازاى اعمل التدريبات؟ Emptyالسبت 29 أكتوبر 2011, 4:14 am

ممتاز جدا ..

يعطيك الف عافيه .. موضوع مهم

ياليت لو تعدل على روابط بعض الصور لانها مش ظاهرة

تحياتي لك

الرجوع الى أعلى الصفحة اذهب الى الأسفل
عمرو فكرى
Hernan Crespo
Hernan Crespo
عمرو فكرى


ذكر عدد الرسائل : 1021
العمر : 37
جنسيتى : Egyptian
النادى اللى بشجعه : بطلت اشجع كورة !
الكارير الحالى : FM2012: Parma 2012
تاريخ التسجيل : 09/04/2008

ازاى اعمل التدريبات؟ Empty
مُساهمةموضوع: رد: ازاى اعمل التدريبات؟   ازاى اعمل التدريبات؟ Emptyالسبت 29 أكتوبر 2011, 10:02 pm

ان شاء الله فى 2012 smiling
الرجوع الى أعلى الصفحة اذهب الى الأسفل
http://www.fekrynews.blogspot.com/
 
ازاى اعمل التدريبات؟
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
FM-EGYPT :: فوتبول مانيجر :: الخطط والحصص التدريبية-
انتقل الى: