نوع مختلف من المانيجر
اضافات كتير جدا
تكتيك احسن وتحكم اكبر
وعلاقتك باللعيبة بقت احسن بكتير
يعنى قبل كدة ولحد 2010 لما كنت بتصرح ف الاعلام عن حاجة للاعب بتقول مثلا انك عايز تبيعه او ان مستواه وحش او كدة تلاقى اللاعب اتضايق وقفل منك وشبه مستحيل يرجع تانى كويس
دلوقتى فى الPrivate Chat .. بتكلم اللاعب بينك وبينه تقوله على فكرة مستواك مش كويس او انا هاحطك ف الريسيرفز عشان وحش او كدة
ممكن يقولك لا انت متجنى عليا وانا مش وحش .. او تقوله انت اداءك حلو وهو يقولك لا انا بأدى وحش الفترة اللى فاتت
علاقتك لسة ماباظتش بيه .. تقفدر ترجع ف كلامك وتقوله خلاص معلش
ساعتها هايقولك كويس انك فهمت رأيى وهاتلاقيه اتكتب عنده انه Feels he has a good relationship with you
يعنى بدل ما زعل منك تلاقيه انبسط وعلاقته بيه بقت كويسة
تقدر تكلم الادارة برضه Board وتطلب منهم حاجة
ولو رفضوا ممكن تعمل حاجة غير انك تستقيل لو رفضوا طلبك زى ف الاصدارات اللى قبل كدة
ممكن تقولهم خلاص انا موافق بس كدة المنافسين هايبقوا اقوى او انك موافق بس متضايق او انك خلاص فهمت وجهة نظرهم
ممكن جدا بناءا على كلامك ده يقولولك ان ردك عجبهم وعشان كدة قرروا يساعدوك ويدوك الفلوس الزيادة اللى انت طالبها مثلا او يزودوا عدد الدكاترة او المدربين اللى ف الفريق
وكلاء اللعيبة
دلوقتى تقريبا كل لعيب له وكيل بيتفاوض باسمه
وطبعا لما تفاوض لعيب على التجديد او انك تشتريه من نادى او تضمه ببلاش هاتلاقى وكيله هو اللى بيتفاوض معاك وعلى حسب علاقتك بالوكيل ده قوية ولا وحشة .. ممكن علاقتكبيه تكون قوية فيقلل طلباته ويقنع اللعيب بتاعه انه ينضم لفريقك .. او تكون وحشة و م الاول اصلا يرفض انه يتفاوض معاك .. ممكن ف حرجة زى دى اللاعب يطرد وكيله ويبقى من غير وكيل لاعبين لو لقى ان وكيله بيضيع عليه فرص وكدة
طبعا زادت حاجة ف العقد مع اللاعب وهى نسبة الوكيل من الصفقة
ف الملف بتاع كل وكيل بيبقى موجود الوكيل ده بتاع مين من اللعيبة وانديتهم ايه وسعرهم وكدة
وطبعا امكانيات الوكيل من ناحية الصبر وهل هوبيحب لعيبته تبقى ف نفس النادى ولا بيحبهم يروحوا اندية تانية ولا ايه
بالنسبة للعقود بقى
دلوقتى بقت احسن بكتير
قبل كدة كنت بتقول انا هاديك كذا
وتستنى يوم ولا يومين ولا اكتر عشان يرد لعيك وف الاخر يقولك لا انا عايز احسن او يكون اتفاوض مع تانى فعلا ومشى او حتى انت تقبل شروطه وتلاقيه برضه راح نادى تانى
دلوقتى المفاوضات بقت مباشر .. حية يعنى
يعنى هاتقوله هاديك كذا هايردعليك ف ساعتها يقولك لا انا عايز كذا .. تقوله كذا حل وسط فتلاقيه هو كمان بيقلل طلباته وبيتفاوض وف الاخر لو عرضك عجبه هايوافق مبدئيا ويقولك هاشوف واقولك .. وغالبيابيبقى بتاعك لانه ساعتها بيكون وافق على عرضك اللى بيكون ساعتها احسن من باقى عروض الاندية التانية
وطبعا هايقولك خلى بالك انا بتفاوض مع النادى الفلانى برضه والنادى التانى احسن او فرصته اقوى
بس خلى بالك انك لو رفضت شروط معينة فخلاص اللاعب ده انت مش هاتاخده
يعنى انسى انك تعرف تتفاوض معاه تانى
وكيله هايرفض واللاعب اصلا هايرفض وخلى بالك ان علاقتك بالوكيل ده هاتبقى وحشة بعد كدة
ف الملفات الشخصية بتاعة الوكلاء بقى وبتاعتك انت شخصيا بيقولك انت علاقتك حلوة بمين ووحشة بمين
ف نص الموسم بقى بيرجع يسالك تانى عن توقعاتك
يعنى ف اول الموسم لو قلتله هانافس على نص الجدول والادارة ظبطت الفلوس والمرتبات وكدة .. لو نتايجك ف نص الموسم بقت كويسة وسالوك تانى ممكن تقولهم لا انا هانافس على مركز اوروبى فتلاقيهم زودوا الفلوس
بقى فى حاجة جديدة اسمها Match preparation
بتدرب لعيبتك على الاستعداد للماتش اللى جاى بحيث تخليهم يركزوا على نوع معين من التدريبات او على خطة معينة دونا عن باقى الخطط او الانواع . يركزوا على الهجوم او الدفاع او على 4-4-2 او 3-5-2 او تخليهم يركزوا اوى وتدريبات اعلى من العادى ولا يركزوا عادى زيه زى اى تدريب
وقبل الماتش او بعده بيجيبلك تعليق او عنوان من الجرايد عن الماتش يقولك توقعه لنتيجة الماتش او تعليقه عليها اوكدة
ممكن بقى لو عملت انجاز معين فى اوبشن يخليك تنشر الخبر على تويتر
او الهايلايتس بتاعة الماتش ممكن مباشرة تعملها ابلود على اليوتيوب !
فى اوبشنز كتير جديدة ف اللعبة
هاسيبكم تكتشفوها لوحدكوا
