Untitled

هنا هاتكلم عن كاريري اللي بدأتوا ان امبليود ..يعني صايع من غير نادي ..و قدمت ورقي ف كل الاماكن الشاغرة و ناس كتييير اتريقت عليا ..لكن رئيس سبارتا روتردام كان ذكي كفاية انه يعيني مدرب للنادي ..

المهم الفرقة دي لسه صاعدة للدوري الهولندي الممتاز ..و انا مكانش مطلوب مني اي حاجة ..و لا حتى البقاء...دا قالولي استمتع بوقتك معانا ..

انا على فكرة كنت عامل جيم فيه سبع دوريات وداخل ان امبلويد وفعلا النادى الوحيد اللى طلبنى كان سبارتا

و عملت ايه معاهم ..؟؟

,ولا اى حاجة .. ما لعبتش ولا ماتش ظبطت الفريق وسيفت على كدة

انتوا مقضيينها تسييف ولا ايه
ما تحكي يا ابو حميد

عينيا يا علي ..

بداية ..بدأت الجيم دا ان امبليود زي ماذكرت سابقا ..و مسكت سبارتا روتردام ..و هدفي الاول والوحيد ..البقاء ..

دي انتقالاتي ..



و دي التوقعات قبل بداية الموسم ..



لا... جزاكم الله كل خير ..


اول 3 نقاط و اول هدفين ..



بوخاري كان حكاية ف الماتش دا ..صنع جون للمهاجم ارناود المعار من PSG ..و حط ضربة حرة من المكان المثالي بطريقة المثالية ف الزاوية المثالية ..

دي م الماتشات اللي الحظ وقف ف وشي فيها ..



بعد كدة لاعبت بي اس في و فينورد ورا بعض برة ..اتهزمت ف الاتنين بنفس النتيجة ..4 1

دي م الماتشات التاريخية ..المعروف طبعا ان الكمار م الفرق المحترمة ف هولندا ..



صفقة من صفقات يناير ..الواد دا عادة مبعرفش اجيبوا الا ب45 الف ..!!

[center]

دا كان الجدول بعد 15 ماتش ..



كنت بدأت ابتعد عن منطقة الخطر اللي كنت فيها لمد عشر اسابيع ..و الفضل لله ثم لبخاري و لويزاو البرازيلي الدولي السابق و النجم الفرنسي المعار اراناود ..

فوز كان هيبقا تاريخي باقدام البرازيلي الدولي السابق لويزاو ...

الجدول بعد الجولة ال25 ..خلاص كان فاضل 9 مباريات و اعملها و افضل ف الدوري الهولندي الممتاز ..



بعد المركز المتقدم دا ..الفرقة كان بقالها كام ماتش بيتم اغتصابها بطريقة مهينة ..5 6 ماتشات شايل ما لايقل عن 25 جون ..

حصل فوقان بعد الاغتصاب ..

اياكس بقوته و جبروته يكسبني ببلن ف اخر عشر دقايق و ارناود و اجودا اللي مايتعدوش ال22 سنة يبهدلوا الدفاع الاياكسي ..




دا كان الجدول قبل اخر 4 جولات ..



الجدير بالذكر ان الاخير بس هو اللي بيهبط مباشرة ..الاتنين التانيين بيلعبوا بلاي اوفس ..

و اخر 4 مباريات كانت حاسمة جدا لاني هلاعب الناس اللي كانت بتنافسني ع البقاء ..زي فيتسي و اكسيلسيور و هيراكلز..

دا كان الجدول قبل اخر لقاء ..اللي هو مع فرقة هبطت بالفعل ..كنت محتاج نقطة واحدة فقط و افضل ف الدوري الهولندي الممتاز ..!!!!!!!!!!

البقاء عنوانه ارناود ..!!!!!



الواد دا كان مش طبيعي ..فعلا مش طبيعي ..ايه دا ..جاب 24 جون ف دوري اول مرة يلعب فيه !!

دا الجدول النهائي للدوري الهولندي الممتاز ..



و دا ترتيب الهدافين ..تفوق على هونتيلار .و لكن الخبرة تلعب دورها ف صالح ماكاي ..




و دي كانت نهاية موسم من احلى المواسم ف كاريري ..ع الرغم م الهزايم التقيلة جدا ..و الاصابات في ظل عدم وجود دكاترة و المنافسة ع البقاء..لكنها متعة ما بعدها متعة ..!!

تاني موسم بقا كان موسم غريييييييب ..طبعا بعد ماخلصت ف مركز كويس الموسم اللي فات ..البورد كان فرحان اوي و جددوا معايا سنتين ..و سألوني ع التوقعات ..قلتلهم هاخلص ف نص الجدول ..قالولي ماشي و هنديك 700 الف اخضر ..بدأت بقا ادور على مواهب شابة ف افريقيا و الدول المتخلفة لقيت ناس مش بطالة و ممكن مع شوية تدريب يبقوا ناس يعتمد عليهم ..زي محمد بواتينج الحارس الغاني و شريف المدافع الجزايري و مازولا المهاجم الارجنتني و جبت دي سانتو و لينسكي اعارات و سيرجنيو ببلاش ..كل دول كلفوني 60 الف بس !!!



بداية الموسم مكانتش موفقة اوي ..اتغلبت و اتهزمت اول ماتشين بعدين فزت اول مباراة ليا مع فريق لسه صاعد ..

و حدثت بعض النتايج المدهشة زي ..



اكرامي كان واقف .. مسخرة ..

الواد دي سانتو دا كان مشكلة .. كان جايب 11 جون ف 11 ماتش ..!! :huh: ..للي مايعرفهوش ..هو ارجنتني ايطالي معار من تشيلسي ..

و زي ..



دي كانت اول مباراة رسمية للنجم الصاعد مازولا ..عشان اصابة اجودا طويلة الامد ..

دا كان جدول الدوري بعد اول 15 جولة ..



مركز متقدم نظرا للامكانيات الرائعة اللي عندي و الفلوس اللي مغرقاني و اللعيبة المبسوطة و مش عايزة تمشي ..و لسه ممكن جدا اخد مركز يأهلني العب ف البلاي اوفس بتاعة اوروبا ..

بالمناسبة انا كان متوقعلي ال14 ..

بعد كدة الكيرف بدأ ينزل بطريقة بشعة جدا ..الفريق اتملى مشاكل كتييير اوي ..و تقريبا الفريق كله عايز يمشي و اللي عقده هيخلص مش عايز يجدد ..مفيش يمكن غير الناشئين اللي كانوا مبسوطين ف الفرقة و بدأت ابيع برخص التراب عشان موضوع التجديد ..و انا اساسا كان عندي مشكلة كبيرة ف الفريق اللي هي الدفاع ..المدافعين تعبانين ..حتى اللي يلاحظ هجومي كان قوي الموسم اللي فات تقريبا تالت اقوى هجوم و الدفاع كان ضعيييف جدا و حتى الموسم دا 35 جون ف 15 ماتش..و انا اساسا عيبي اني مابعرفش ادافع ..انا اعرف احط خطط هجومية حلوة جدا و اجيب جوان كتيييير بس ما اعرفش احافظ ع التقدم ..

المهم .الدفاع كان بيعمل اللي عليه و يتخرم ..معظم ماتشاتي كنت اتغلبها بنتايج زي ..4-5 ..2-3 ..4-6 ..وهكذا ..و قعدت تقريبا 8 ماتشات من غير فوز منهم 5 هزائم متتالية ..!!

بعد كدة فزت فوز كبير ف ارضي و اعتقدت اني خلاص هرجع ع الطريق الصح ..لكني اتهزمت هزيمتين متتاليتين ..و بعدين حصل غير المتوقع ..اترفدت !!!!!

انا طبعا مش مصدق ..اصل النتايج سيئة صحيح ..لكن مركزي ف الدوري كان بعيد نوعا ما عن منطقة الخطر ..

المهم تقبلت الامر الواقع ..وبدات ادور على شغل جديد ف مكان جديد ..

و دي كانت نهاية تجربتي الممتعة مع سبارتا ف الدوري الهولندي ..وانظرونا مع بوست جديد وبداية جديدة ف فريق جديد ..!!

بدأت ادور على فرقة امسكها ..كان فيه فرقتين معندهمش مدربين ..اللي هما سانت اتيان و سانت بولي ف درجة تانية الماني ..قدمت ورقي فيهم و عملت دكلير انتريست لكل الفرق اللي مدربينهم تحت ضغط ..و دست كونتنيو ..لقيت بتاع 10 اخبار ..كلهم تريقة عليا طبعا و تاكيد على الثقة ف المدرب الحالي للفرق اللي انا عملتلها دكلير انتريست ..بس اخر خبر كان مفاجاءة ..لقيت عرض شغل ف سانت اتيان !!! ..العقد مشكلته انه سنة واحدة بس ( يعني االعقد يخلص بنهاية الموسم الجاي ) .. والمطلوب مني ف السنة دي اني انافس ع اللقب ..بس مديني ميزانية انتقالات 13 مليون ..مبلغ محترم جدا ..وحاولت اتفاوض على سنة كمان لكنهم رجعوا وقالوا لأ عايزنها سنة واحدة بس ..رحت موافق ..

المهم الفريق كان بينافس ع البقاء ..و دي طبعا مسخرة ..لان دا فريق المفروض انه ينافس على مكان ف اوروبا ..و معظم الفريق كان عامل مشاكل و المورال ف الحضيض ...

دا جدول الدوري قبل ما امسكهم ..



كان فاضل عشر ماتشات ف الدوري و الهدف الوحيد طبعا كان البقاء اللي مكانش سهل و مكانش صعب ..مكانش سهل عشان المورال ف الحضييييض اوي و معظم اللعيبة عايزة تمشي و لسه لازم ادربهم على خطتي و مفيش فرصة ..و مكانش صعب عشان عندهم لعيبة كتير كويس زي ديميتري بايت ..

دا بقا كان الجدول قبل اخر 4 جولات ..!! الفرقة كانت ف المركز ال16 ب32 نقطة و ليها 38 جون و عليها 43 جون ..قبل ما استلمهم ..!!



اول 3 لقاءات كانوا سيئين و اتعادلت ف اول 2 ...و خسرت الاخراني ..بعدين لاعبت ميتز ف ارضي و فزته بهدف وحيد ..و بعدين لاعبت فرقة ديجون برة واكتسحتها بثلاثية السنغالي جوميز ..و بعدين لاعبت بوردو ف ارضي و اتقدموا باستحقاق بهدف ف الشوط الاول ..ق الشوط التاني بهدلتهم و لعبت كورة جميلة و تقسيم وفرص ضايعة و كنت استحق التعادل ع الاقل راح جوميز هداف الدوري منزلش كلمتي الارض و جاب هدف ف الدقيقة 83 و بعدين جاب بلن ف الدقيقة 93 حطه بحرفنة ماتيو ظهيري الايسر و فزت تالت مباراة ع التوالي .. و بكدة اكون ضمنت البقاء ف الماتشات الجاية تعتبر تحصيل حاصل ..و مش هتفرق كتير ..ف ظبطت الخطة والتشكيل و عملت هوليداي و قلتله يستعمل خطتي و اللعيبة اللي انا حطتها لو ممكن ..

و دا بقا الجدول النهائي للدوري ..



الموسم الجاي طبعا مطلوب مني المنافسة ..ف هبدأ انضف الفرقة م اللعيبة اللي ملهاش مكان و هاجيب المواهب الشابة من سبارتا و هاسرح طقم التدريب كله و اجيب ناس تانية بمعرفتي و اجدد مع الناس الكويسة ..و اعمل جو استقرار كدا عشان الموسم الجاي صعب جدا و مطلوب مني كتير ..

ف هل يا ترى سأستطيع المنافسة ع اللقب ولا ستتم اقالتي ..هذا ما ستراه ف البوستات القادمة ..!!

ايه يا بني جو الطمع الدائم ده ؟
دائما عايزين الالقاب كده ؟

المهم سيبك انت
هو الدوري الهولندي قيود اللعيبه فيه ايه ؟ و الفرنسي كمان
عشان انا نفسي هافاني ابدأ جيم جديد

و ده يقودنا للنقطة الاخيرة و هي اني لازم اشكرك انك عرفتي طريقة تشغيل اللعبة بعد تركيب الباتش و ان كان نظريا انت مقلتش حاجة

الهولندي زي الالماني ف قيود اللعيبة ..مفيش قيود ع الاجانب ولا ع العدد ..ف فرنسا ليك 4 اجانب و سجل 99 لاعب ..و على فكرة ..تقريبا كل الافارقة مابيتحسبوش اجانب !!!

العفو يا علي ...

التحضير للموسم الجديد كان قوي جدا و بدات ف التفاوض م كل اللعيبة اللي عايزهم و بيع الناس اللي مش هتنفعني ..بعت ناس ب27 مليون و اشتريت ب20 مليون ..و كان اصلا محطوطلي 13 مليون ميزانية تعاقدات ..



حاولت مع ساخو بس بتوع بي اس جي طلبوا 15 مليون !! ..رحت اشتريت الواد بتاع موناكو ليو مش عارف ايه ..ب7 مليون بس ..!

و دا بقا شكل الفريق بعد التعديلات ..



و طبعا سرحت طقم المدربين ع الدكاترة ع المساعد ع الكشافين و جبت ناس جديدة و جبت جاليوكا باليوكا ك مساعد

وعملت ماتش مع البرسا ف ارضي عشان اجيب فلوس ..و جبت 3 مليون م الماتش دا لوحده ..بس اتغلبت 6-1 ..

كدا اعتقد ان الفريق هيبقا قادر ع المنافسة .باقي ان احنا نشوف بنفسنا ..

دي كانت صفقة ف شهر 9 ..لان ف فرنسا بعد قفل فترة انتقالات الصيف بيبقا فيه فترة تانية ممتدة لغاية يناير ..تقدر تشتري فيها لاعب واحد بس ...

رئيس النادي الغبي قبل عرض لبايت ب20 مليون بس ..انا مش ممانع بيعه لان كاره ام الفريق..بس بمبلغ اكتر من كدا ..دا انا رفض عرضت للمان ف اول الموسم ب21 مليون ..!!

مباراة صعبة جدا ..



بس فعلا وحوش ..100% من الالتحامات اللي دخلوها فازوها ..

اكتساح كامل ..سايفت يثبت انه صفقة الموسم ..بعد احرازه هدفين عشان يبقا رصيده 4 اهداف ف6 مباريات !!

الجدول بعد اول 15 جولة ..

الدورى الفرنسى .. برعاية حمادة يوسف

طب انت عارف اني زهقت من ام الدوري دا ..دا سابع موسم ليا فيه ..انا عمري مادربت ف دوري كدا ..

لو كانوا الجماعة بتوع سانت بولي عرضوا كنت وافقت علطول ..بس مفيش شغل غير ف الدوري دا ..

ع العموم انا متوقع انهم مايجددوش معايا ..و همشي ف اخر الموسم ..عايز ادرب ف الالماني بقا ..