للاسف انا باتوقع تعادل هولندا مع رومانيا وفوز ايطاليا على فرنسا لانها اضعف فريق فى البطولة تقريبا يمكن بالمناصفة مع اليونان
ديفيد فيا وكريستيانو رونالدو وشنايدر .. اللى هايوصل فيهم فاينال هاياخد احسن لاعب ف البطولة
فان دار سار .. حارس اسطورة .. بتر تشى جبار .. بوفون ليس له مثيل .. واحد من التلاتة دول هايبقى احسن حارس ف البطولة
البرتغال اداءها كويس .. بس مش اداء فرنسا 2000 ولا حتى التشيك فى 2004 .. هولندا كويسة وعاملة اداء خرافى بس للاسف هاتخرج من الكوارتر او السيمى .. ماعندهاش بدلاء كويسين (فى كل المراكز) .. اسبانيا اتفرج اول ما بيا يريح ماتش ! .. عموما اسبانيا فى البطولة دى اقوى من اى اسبانيا سابقة .. ولا ازال ارشح المانيا عشان تروح بعيد فى البطولة دى .. كرواتيا اداء محترم للغاية . بس زيها زى التشيك فى 2004 .. اعتقد البطولة ما بين هولندا البرتغال اسبانيا المانيا ومعاهم ايطاليا لو كسبت فرنسا
والله من قبل البطولة وانا كان نفسى رومانيا تعمل حاجة .. بس مش بالشكل ده
هولندا بقى اعتقد اروع بطولة فى تاريخها بعد كاس العالم بتاع كرويف اللى خسروه من المانيا
على فكرة التشيك لو كسبت تركيا (وده اللى متوقع) وصعدت مع البرتغال هايلاعبوا كرواتيا والمانيا ووارد جدا الاتنين يكسبوا .. ساعتاه هايلاعبوا بعض فى السيمى فاينال
يعنى هايبقى زى البرازيل وتركيا ف كاس العالم 2002 لما كانوا ف مجموعة واحدة مع بعض ولاعبوا بعض فى السيمى فاينال مش فى الفاينال
كان نفسى البرتغال والتشيك يلاعبوا بعض فى الفاينال مع روسيا وهولندا فى السيمى .. كدة اعتقد البرتغال والتشيك يلاعبوا كرواتيا والمانيا .. وهولندا وايطاليا هايلاعبوا اسبانيا والسويد (اتمنى روسيا) ومن ثم فى السيمى البرتغال لو كسبت المانيا تلاعب كرواتيا لو كسبت التشيك/تركيا فالبرتغال وكرواتيا فى بولة .. البولة التانية هولندا مع السويد/روسيا واعتقد ان الكسبان هولندا .. ضد الفايز من اسبانيا وايطاليا وممكن جدا اى حد يكسب .. يعنى السيمى فاينال وارد جدا يبقى البرتغال ضد التشيك وهولندا ضد اسبانيا/ايطاليا (واعتقد الاتنين يقدروا يوقفوا هولندا للاسف واتمىن توقعاتى تخيب اولا بخروج ايطاليا وتاهل رومانيا وثانيا بخسارة اسبانيا من هولندا وصعود هولندا للفاينال مع البرتغال)
ملحوظة اخيرة .. بدات اعجب بكرواتيا واعشق رومانيا
